HAMEKA : Harri Xuri Kulturgela, 64250 Luhuso +33 (0)5 33 09 30 94

2019ko PROIEKTUAK

Denboraldian, errezibitzen dituen konpainien eta gure lurraldearen arteko topaketak antolatzen ditu Hamekak. Itxura bereziko proiektu horietan, artistek beren sorkuntzak elkarteetako, mediku-eta gizarte-etxeetako eta ikastetxeetako publiko berriekin elikatzen, erkatzen eta transmititzen dituzte.

Deabru Beltzak eta Atypique Orchestra

"Symfeuny" ikuskizuna (behin-behineko izena) konpainiaren ibilbide artistikoan urrats berri bat da. Xedea ikuskizun hirbidoa sortzea da : parte bat ibiltaria izanen da eta beste bat agertokian bururatuko da.

Deabru Beltzak karrikako antzerkia konpainiak Atypique Orchestra musika taldea sartu du abentura honetan (Hazaprneko EVAH albarritu etxeko egoiliarrekin eta Iparralai musika eskolako ikasleekin osatua). Martxoan eginen duten egonaldian, Atypique Orchestrako kideei sorkuntza honen zenbait kantu transmitituko dizkiete.

Dantzaz konpainiak Xiberoko ikasleak kausitzen ditu

Errenteriako Dantzaz konpainiak Europa osotik datozen eta profesionalizazio bidean diren dantzari gazteak hartzen ditu.

"Basoak" sorkuntza berrian, errefuxiatu eta iheslarien gaia aipatzen du, historian barna. Dantzaz konpainia Zuberian instalatuko da, ikuskizun berria lantzeko. Hala, bitartekaritza proiektu ambiziotsua garatuko du, 3 ikastetxerekin harremanetan : Sohütako lizeoa, Mauleko Argia kolegioa eta Berrogain-Larunseko laborantza lizeoa. Gurseko kontzentrazio-esparruaren tokiko historian bermatuko da, besteak beste. Dantzaz konpainiak Xiberok 3 ikastetxeetan egonaldia eginen du. Dantza garaikide tailerrak emanen ditu, eta, horren emaitza gisa 4 koreografia pieza labur sortuko ditu. 2019ko apirilean, Xiru festibalean, Dantza konpainiaren "Basoak" ikuskizuna aitzin, 4  piezak publikoari aurkeztuko dizkio.

Paraleloki, bitartekaritza ekintza egitarau trinkoa burutzen ari da. Ikasleekin lekuko historia aipatzeko (lekukotasunen bilketa, Paueko eta Gurseko Artxibategien bisita) eta atzoko errefuxiatuen eta gaur egungo migrazio egoeraren arteko lotura egiteko (Cimade elkartearen parte hartzea, lurraldean bizi diren errefuxiatuen lekukotasunak eta abar) ahala ematen du.

Branca konpainia eta Donapauleko San Elixabet zahar etxea

Branca konpainiak (adarra, okzitanieraz) Donapauleko San Elixabet zahar etxean maletak pausatzen ditu. Sorkuntza berria kimu fasean da. Helburua da bake harremanak sortzea pertsonen eta kulturen artean. Eta zahar etxea leku egokia da horretarako.

Proiektu hau beste baten osagarri da. Aurten, gorputz adierazpenean oinarritu egoiliarren proiektua bada ere. Branca, hots, adarra, euskarri bat da, lotura bat... Konpainiaren sorkuntza berri osatzeko tailer artistikoak izanen dira ere.

L'oeil du Baobab lurraldean zehar

l'Oeil du Baobab film egile eta zinema teknikari taldea da. irudi heziketan lan egiten du. Ikus-entzunezko sorkuntza esperimentatzen du, eremu publikoan eta manera parte hartzailean. 2018ko azaroaren eta 2019ko apirilaren artean, lan talde hau gure lurraldean errezibituko dugu. Hala, publiko desberdinekin topo eginen du : Larzabaleko kolegioko ikasleekin, Biarritzeko ikus-entzunezko BTZ goi-mailako teknikari brebetako ikasleekin, Ziburuko arrantzaleekin...eta mementoan inprobisatuko diren bestelako topaketak. Helburua errealitatean oinarritzen den fikziozko telesail bat egitea izanen da, gure lurraldean eta lekuko biztanleekin !

Vendaval konpainia Hendaian

Vendaval konpainia Bleu Silence sorkuntza berria lantzen ari da. Onestasunez eta poesiaz beterik, bikote bortizkerien gaia aipatzen duen dantza-antzerki egitasmoa da. proiektua Hendaiako Herriko Etxearekin lenkidetzan errezibituko dugu, eta gai hura aipatzeko hainbat ikastetxeetatik eta lekuko egituretatik pasako da. Helburua izanen da publikoak eta gizon eta emazteak gai honi sentsibilizatzea. Horretarako tresna artistikoa : dantza garaikidearen lengoaia.

Arte eskolako ikasleak eta Bivouac konpainia

BIVOUAC zirku konpainiak egonaldia egin du aurten, eta "Perceptions" ikuskizun berriaren eszenografia eta idazketa landu ditu. Karia horretara, Maureen Brown, konpainiaren eszenografo, eraikitzaile eta interpretea, Ipar Euskal Herriko Goi-mailako Arte Eskolako MANAA klaseko ikasleekin tailer bat antolatzera gomitatu dugu.

Ikasleek "Perceptions" ikuskizunaren inguruko lan fase bat ikusi eta  talde artistikoarekin solastatu ahal izan dute. Tailerrean ikuskizunaren eszenografiaren zenbait elementu sortuko, marraztuko eta fabrikatuko dituzte.